【Now財經台】截至早上11時止，1小時內《彭博》用戶關注度上升最多港股，依次為中國天瑞水泥(01252)、領展房產基金(00823)、新世界發展(00017)、華潤置地(01109)、世茂集團(00813)。
美國3月消費物價指數(CPI)升幅超預期，令減息預期急降溫，6月減息機率跌至唔夠20%。領展股價今日跌至7年低位，新世界亦一度大跌逾6%，若美息持續高企，係咪對地產及收租股不利？
光大財富證券策略師伍禮賢指，即使冇美國通脹因素，依家嘅大環境已令地產及收租股，面對一定經營壓力及難度。除咗息口影響外，更重要係不少港人北上消費，都會令地產市道及樓價受到一定壓力，因此，即使領展及新世界股價已跌到好殘，但仍未係撈底嘅時機，又建議投資者對地產相關股持觀望態度。
