【Now財經台】截至早上11時止，1小時內《彭博》用戶關注度上升最多港股，依次為中國石油股份(00857)、藥明生物(02269)、中國鋁業(02600)、中國銀行(03988)及中國石油化工股份(00386)。
藥明系今日(7日)全線急挫，因為美國參議院國土安全委員會通過針對內地生物科技企業嘅《生物安全法》草案，不過，仍須喺參眾兩院全體會議上獲得通過，再由總統拜登簽署先會正式生效，意味仲有一段好長嘅路要走，依家藥明康德(02359)及藥明生物(02269)嘅美國收入佔比高達66%和約50%，所以草案先過一關已成為集團一大不明朗因素。
椽盛資本投資總監曾永堅指，其實之前部分風險承受能力較低嘅投資者已經止蝕，但草案上到參眾兩院討論後，基於風險管理嘅考慮就再減持。
Jaseper話，雖然通過法案嘅過程需要好長時間，但由於今年係美國總統大選年，呢類議題會成為兩黨政治籌碼，所以草案有機會加入更辣或苛刻嘅條件。佢估計，短線投資者已先行沽貨離場，長線投資者就以減持爲主。
