【Now財經台】截至早上11時止，1小時內《彭博》用戶關注度上升最多首5隻港股，依次為ASMPT(00522)、招金礦業(01818)、九龍倉置業(01997)、永利澳門(01128)、中國石油化工股份(00386)。
剛出咗業績嘅台積電下調全球晶圓代工業增長預測，荷蘭ASML上季新定單亦差過預期，近日環球晶片股都面臨較大調整壓力。今日(19日)排榜首嘅ASMPT再度失守「紅底股」，股價之前彈咗兩日，今朝跟隨外圍晶片股向下，一度挫逾7%，低見95.9元。
大華繼顯執行董事梁偉源認為，晶片行業基本面有變，預期板塊嘅弱勢會持續一段時間，ASMPT股價今年已累升約30%，所以今日出現較大獲利回套壓力亦可以理解，佢又估計，唔少機構投資者未來會趁股價反彈時減磅，ASMPT股價可能要跌到85元至90元先有支持。
