【Now財經台】美高梅中國(02282)今朝(14日)交咗一份靚業績，上季及去年經調整物業EBITDAR都扭虧為盈，總收入亦大升逾3倍，刺激股價今日一度高見12.4元，大升逾10%，美高梅未來嘅業績值唔值得繼續憧？
南華金融集團副總裁莫灝楠指，美高梅主打兩個賭場，今次呢份業績反映集中火力去谷呢兩個場嘅策略成功。值得留意係，喺新一輪賭牌競投中，美高梅新增賭枱數目係最多，加上集團嘅酒店較新，因此，Casper睇好美高梅市佔率會提升。
不過，佢指出，美高梅經調整物業EBITDAR以實數計，其實唔及金沙中國(01928)及永利澳門(01128)，而美高梅2024年預測企業價值倍數係7倍，低過其他賭股，因此，Casper認為，美高梅最盡都只能成為二線賭股。
