【Now財經台】截至早上11時止，1小時內《彭博》用戶搜尋量最多港股，依次為吉利汽車(00175)、旭輝(00884)、聯想集團(00992)、長城汽車(02333)及永利澳門(01128)。
吉利今日(22日)跑贏其他車股，消息面方面，吉利旗下附屬斥資1.2億人仔收購同系公司寧波乘用車，後者盈利增長好快，首9個月稅前、稅後溢利最少大升2倍，資產淨值逾5800萬人仔，係咪會對吉利股價有支持？整個汽車板塊後市又會點走？
富途證券首席分析師譚智樂指，市場暫時唔係炒個別企業消息，全個汽車板塊都造好，市場關注德國反對歐洲對華電動車實施關稅，有助刺激汽車板塊，佢又話，車股受消息影響，大上大落無可避免，睇返圖表走勢，整體車股表現唔差，市場焦點轉至無人駕駛及出口其他市場，市場憧憬出口業務比重較大嘅吉利，未來業務會受惠於出口至其他市場。
