【Now財經台】受紅海航線影響，近期運費高企，一眾航運股走勢強勁，其中，中遠海控(01919)股價今早(4日)一度升至2022年6月以來高位，高見8.34元，多唔多投資者趁勢部署好倉？市面上CALL輪選擇嘅窩差距都幾大，引伸波幅由逾40到介乎70至80都有，應該點揀好？
滙豐亞太區財富管理香港上市產品銷售經理盧貴良指，中遠海控股價喺8元有阻力，所以唔少投資者追入好倉，由於股價由2023年底至今已累升20%，部署好倉時要留意產品條款，部分CALL較貼價，部分成交活躍嘅CALL時間值只剩返兩個月，雖然實際槓桿可以做到好高，但爆發力就麻麻。投資者可以考慮行使價約9.4元，價外13%，11月到期，實際杠桿4倍嘅產品。
