【Now財經台】截至早上11時止，1小時內《彭博》用戶關注度上升最多首5隻港股，依次為龍光集團(03380)、中遠海能(01138)、中國海洋石油(00883)、碧桂園(02007)、友邦保險(01299)。
至於第6至10位，依次為中國移動(00941)、快手(01024)、李寧(02331)、吉利汽車(00175)、中遠海控(01919)。
龍光境外債務重組有進展，上周五(12日)已與債權人小組簽署支持協議。此外，據外電報道，集團美元債券持有人正尋求今日(15日)嘅聽證會上撤回清算呈請，其後香港法院宣布暫停清盤聆訊4周。股份今朝復牌後，龍光股價高開13%後，最多升逾16%，高見0.7元。
富昌證券聯席董事譚朗蔚認為，短期集團可以鬆一口氣，但目前尚未確定債權人下一步如何行動，加上長遠基本面唔樂觀，內地房地產商嘅發展、銷售周期一再拖長，大宗消費需求又未完全恢復，估計今日嘅利好將於一兩日內消化曬。
Stevan續指，舊年11月中，市場炒作房企融資白名單嘅消息，刺激龍光股價大成交下升過一兩日，但事隔2個月，雖然今朝股價出現跌浪反彈，但已經乏力重返當時約0.8元嘅高位，唔值得喺現水平追入。
