【Now財經台】白酒股珍酒李渡(06979)今朝高開1.5%後，升幅不斷擴大，午後一度高見8.13元，大升近16%，其後股價於8元水平窄幅上落，暫時成交金額逾7000萬元。
內地白酒股今日表現強勢，其中，貴州茅台股價連升第3日，五糧液及山西汾酒亦一度升近3%。
雖然珍酒李渡今日升穿20天線，但現價距離招股價10.82元，仍有一大段距離，相信今日大升主要係趁內地白酒股造好順勢炒起，股價暫時喺7元水平似乎已搵到支持，但建議再睇多幾日，先確認資金是否持續流入白酒股，珍酒李渡或可借勢繼續收復部分失地，但暫時要上返招股價仍有難度。
