【Now財經台】在港上市的內地白酒商表示，雖然本地零售市道疲弱，但《施政報告》提及下調烈酒稅，公司希望借香港加快國產白酒「出海」步伐。
雖然本港零售市道疲弱，但內地烈酒商珍酒李渡(06979)指出，今年零售餐飲表現仍令人滿意。
對於新一份《施政報告》下調200元以上烈酒稅稅率，集團表示，已完成新一輪價格檢討，相信零售價會有明顯折扣。
珍酒李渡國際營運總監吳光曙說:「我哋剛做完一個pricing review，我都覺得幾aggressive，最高、最貴嘅產品減幅可能達30%、40%左右，好多國內朋友都會嚟香港買，之後帶返去，因為減稅之後，就算嗰陣喺香港嘅稅都比國內嘅稅平，所以同一款產品嘅price difference可能有50%以上。」
截至今年中，香港繼續是內地白酒「出海」最大目的地，珍酒李渡相信，減烈酒稅有利國產白酒國際化，未來會引進更多產品來港參展。
吳光曙說:「呢個唔係國內消費降級所致，而一直以來中國白酒都好想『走出去』，我哋見到境外嘅Pickup Rate係升得幾快，可能我哋基數低，另外一個原因係，其實好多國外酒商，由於中國嘅population喺嗰邊愈來愈大，所以佢哋都想入口一啲中國嘅酒測試下當地市場。」
面對行內競爭加劇，珍酒李渡指出，每年都有穩定的內銷網絡，品牌推廣亦具優勢。
吳光曙說:「呢個我覺得我哋一直行喺前面，我哋嘅優勢係咩？第一，我哋本身係香港上市公司會靈活好多，第二，我哋係私人企業，所有廣告唔需要經過一個比較複雜嘅審批手續，啱就即刻去做。」
集團又稱，未來會視乎各個市場對白酒的認受性、消費能力，以及當地關稅制度去拓展業務，目標是明年增加3個東南亞市場，以及1個北美國家市場。
