【Now財經台】內需股H&H國際控股(01112)股價今朝平開，但未到中午收市已經轉跌，午後跌幅不斷擴大，一度跌逾2.7%，低見10.56元，股份交投唔算活躍。
H&H股價如果自去年底高位18.82元計，至今累跌逾40%，集團喺股價跌穿250天線後，宣布任命新CEO，似乎想借新人事任命為股價沖喜，不過，H&H股價暫時已連續第8日畀條250天線壓住，阻力似乎唔細，加上成交持續淡靜，連摩根士丹利都只係引述管理層嘅未來願景，未有提出太多該行本身嘅睇法，同埋只維持H&H「與大市同步」評級與目標價15元不變，H&H股價似乎暫時都好難扭轉劣勢。
