【Now財經台】截至早上11時止，1小時內《彭博》用戶關注度上升最多港股，依次為中升控股(00881)、貝殼(02423)、建設銀行(00939)、中遠海能(01138)及銀河娛樂(00027)。
中升股價今朝高開逾2%後，愈升愈有，升幅一度擴大至逾8.3%，高見34.25元，升上10日高位，公司一直都有回購股份，單喺今個月已經做咗兩次回購，涉資2468萬元，但對股價幫助唔大，反而近日先出現突破，呢個反彈勢頭可唔可以延續？
大華繼顯執行董事梁偉源指，今次只係一個短期反彈，首先美股反彈帶動，其次係市場預期，中共「二十大」會有刺激經濟嘅相關政策出台，帶動資金流向「二十大」相關股，即跟消費、內房、能源及經濟周期相關股份，但佢又預期，中升股價最終都會跟埋其他汽車股跌返落嚟。
