【Now財經台】截至早上11時止，1小時內《彭博》用戶關注度上升最多嘅港股，依次為中國鋁業(02600)、金沙中國(01928)、合景泰富集團(01813)、建設銀行(00939)及新奧能源(02688)。
中鋁今朝一度升逾8%，高見3.14元，同系中鋁國際(02068)更爆升23%，鋁價近期走弱，倫敦金屬交易所(LME)嘅鋁庫存又持續增加，點解中鋁系今日仲可以炒高？
獨立股評人譚智樂認為，2隻鋁股嘅升勢同基本因素冇關，更大機會係有資金見板塊跌得太深而撈底。佢又話，中鋁近月呈橫行格局，喺2.7元至3.2元區間上落，如果股價今日升唔穿3.2元嘅阻力位，好可能會掉頭向下。
Arnold續指，唔建議喺依家嘅市況短炒，加上鋁需求疲弱，炒中鋁國際呢啲細價股想散貨走人唔容易。
