【Now財經台】上周五收市後發中期盈警嘅香港航天科技(01725)，股價早市走勢平穩，中午收市前維持約3%升幅，但午後突然抽升最多逾28%，高見10.38元，收市仍升逾22%，報9.87元。
不過，今次股價炒高似乎同中信証券最新報告有關，該行指，根據恒生綜合指數季檢結果，預期包括香港航天科技等一系列股份，將被納入港股通，最快會喺9月5日納入，可能唔少投資者都憧憬緊，所以超前部署。
香港航天科技憧憬納入港股通嘅炒味濃，仲突破10天、20天線，不過，惟股價急升至保歷加通道頂即遇阻兼掉頭，係缺乏業績改善嘅基本因素支持下，小心股份短線有炒過龍風險。
