【Now財經台】港股2月開局回套，北水就繼續走錢，截至今日中午止，2月至今，港股通淨賣出逾50億元，美團(03690)、港交所(00388)及快手(01024)等都係北水主要沽貨對象，北水部署係咪具參考價值？
艾德金融聯席董事陳政深認為，北水「流向」有一定參考價值，依家流入港股嘅北水唔太足夠，只在唔同板塊輪動，缺乏推升港股嘅力度，除北水外，投資者亦要留意外資對港股嘅影響。
Ryan又話，北水噚日淨買入香港航天科技(01725)，涉資2480萬元，股價今日一度抽升逾28%，值得留意係，北水依家持有逾7900萬股，佔自由流通嘅股份逾70%，佢提醒，集團2021年下半年開展航天業務後，至今仍未有任何收入，完全冇基本面支持，投資者唔好盲目跟進。
