【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、碧桂園(02007)、中國銀行(03998)、萬科企業(02202)及遠洋集團(03377)。新聞量上升最多股份方面，依次為港交所(00388)、周大福(01929)、香港航天科技(01725)、建設銀行(00939)及藥明生物(02269)。
評級機構穆迪將香港評級展望由「穩定」調為「負面」，意味未來18個月有機會被正式下調評級，不利大市氣氛，拖累恒生指數今朝一度落到16100點水平，港交所就失守250元，依家港交所市盈率(PE)絕對唔平，下調空間仲有幾多？
第一上海首席策略師葉尚志指，由於港交所收入來源喺交易徵費，所以港股成交有好大影響，近日除咗穆迪降級消息，亦有印度股市市值超越港股，由於大市正尋緊底，呢啲消息都比較敏感。
佢又話，之前都提及過，港交所可以考慮喺250元以下水平買貨，股價今日已進入咗呢個價值水平，後市可能會喺呢個位置有啲波動，但現水平係可以考慮逐步吸納。
