【Now財經台】香港航天科技(01725)擬於中東雙重上市，刺激股價一度逆市抽升逾26%，本港跟中東的關係成為近期投資市場焦點，先有亞洲首隻沙特交易所買賣基金(ETF)在港首掛，加上沙特未來投資倡議研究(FII)首屆亞洲峰會今、明兩日在港舉行，香港航天科技喺呢個時候拋出喺中東雙重上市嘅計劃，係咪一個好時機，成事機會大唔大？
耀才證券研究部總監植耀輝指，香港航天科技符合上市必要條件，所以好大機會成事，股價亦受近期本港跟中東合作嘅消息帶動，又認為公司揀啱時機，對股價有正面幫助。
不過，香港航天科技中期虧損擴至8730萬元，備受關注嘅航天業務仍未有錢賺，Stanley指出，集團簽咗唔少協議，但都係「紙上談兵」，對股價冇實質幫助，又指公司依家係炒作多過有實際行動，所以都要再觀察多一段時間。
