【Now財經台】香港科技探索(01137)今朝高開後，升勢持續，午後繼續發力，一度高見4.84元，升逾7.5%，暫時成交逾700萬元。
香港科技探索噚日收市後，出咗旗下HKTVmall上月銷售數字，總商品交易額按月及按年分別升2%和8%，日均定單按年增長16%，但平均單價按年及按月都要跌，仲係最少1年以來最低。
集團公布同IT合作搞網購平台，但上個月突然停運，本業增長面對放緩，除非有新搞作，否則，股價似乎都好難有起色。政府周日開始發放第二輪消費券，公司8月表現可能比7月好，但始終防疫措施放寬咗，生意額好難重返高峰時期，而香港科技探索股價暫時仍然喺下降通道入面。
