【Now財經台】近期內地爛尾樓斷供風暴打殘內房股,其中綠城中國(03900)股價雖然今日都要跟大隊跌,午後仲愈跌愈多,一度跌超過5%,但其實股價仍企喺高位,相比其他下試緊3月低位,甚至尋底嘅同業,綠城明顯跑贏。
綠城主要做高檔住宅,所以爛尾樓風暴似乎冇燒埋綠城,公司6月銷售額只係跌咗18%,表現好過4大內房,不過,集團今年銷售目標係3300億人仔,上半年銷售1128億人仔,連全年目標一半都冇,似乎好大機會要調整銷售目標。
值得留意係,綠城上月底畀內房股東減持,但股價未有大跌,反而上星期仲創17.46元嘅上市新高,要留意後市可唔可以持續強勢。