【Now財經台】截止早上11時止，一小時內《彭博》用戶關注度上升最多港股，依次為銀河娛樂(00027)、廣汽集團(02238)、綠城中國(03900)、永利澳門(01128)及龍源電力(00916)。
噚日《彭博》報道內地有意放寬入境隔離措施至「2＋5」，即刻有消息話澳門會恢復內地團，炒起咗一眾賭股。不過，澳門政府後來澄清，仲未落實相關安排，投資者又食白果。短期內係咪都無需憧憬開關？
大華繼顯執行董事梁偉源指，澳門有望喺11月初開放四省一巿旅遊，不過詳情都要等二十大閉幕後先會有進一步消息。Steven又話，澳門嘅防疫政策貼近內地，相信賭股下星期仍有炒作空間。
