【Now財經台】截至早上11時止，1小時內《彭博》用戶關注度上升最多港股，依次為華虹半導體(01347)、碧桂園(02007)、金沙中國(01928)、長實集團(01113)及融創中國(01918)。
美國商務部正考慮禁止美國公司，向中國公司出售先進嘅晶片製造設備，消息一出，即震散華虹股價，今朝一度急挫逾18%，低見23.2元，華虹股價係咪仲有排跌？
京華山一國際研究部主管彭偉新指，全球晶片產能嚴重短缺，就算增添設備、提升製造價都冇用，仲會影響未來晶片行業嘅部署。佢又指，好多海外晶片公司都陸續為新微距鏡頭做準備，如果美國限制生產設備出口，中國晶片企業短期會跟唔上主流，對華虹、中芯國際(00981)都有負面影響。
Castor又指，因為制裁措施仲未公布，對相關股份嘅股價負面影響，仲未完全反映晒，佢又估計，呢啲消息仲會困擾晶片股一段時間。
