【Now財經台】美國晶片巨企英偉達(Nvidia)業績靚，刺激股價昨晚(22日)飆逾16%，再破頂，市值更創美股史上最大單日升幅，不過，在港上市嘅芯片股今日(23日)反應相對冷靜，中國工信部呼籲要大力推進5G及人工智能(AI)應用，中資AI概念股中，點睇中芯國際(00981)嘅投資前景？
博威環球證券金融首席分析師聶振邦認為，中芯股價走勢有較大變數，因為集團喺穩定原材料供應方面有挑戰，亦要視乎晶片技術高低，美國晶片巨頭如Nvidia及超微半導體(AMD)，佢哋嘅納米技術可以做到好薄身，7納米以下嘅晶片，反觀中芯嘅晶片係咪可以做到愈來愈薄，以及技術水平好似Nvidia等咁高，都係一個疑問，加上中芯收入主要來自內地，美國佔比唔夠20%，因此，內地經濟表現對集團有較大影響，所以中芯未來不論業務及股價都可能有較大變數。
