【Now財經台】美國芯片公司英偉達(Nvidia)績後股價抽升16%，港股嘅人工智能(AI)概念股亦有唔錯升幅，當中百度集團(09888)股價最多升近4%，ASMPT(00522)更一度升約4.5%。
ASMPT早前被摩根大通睇好，指公司好可能為台積電(TSM)供應混合鍵合器，先進工裝業務受惠AI發展，加上公司背後係新加坡資金，唔似中芯國際(00981)、華虹半導體(01347)受制裁消息影響。亨達財富管理董事總經理姚浩然認為，值得下周二(27日)「放榜」前部署定ASMPT，或者等股價回落到86至87元再吸納，上望100元。
至於百度，Patrick表示，隨著中資股近期走勢回穩，股價有望喺目前110元水平整固，若下周三(28日)出嘅最新業績有亮點，估計股價潛在升幅最多15%，但較難突破120元水平嘅阻力。
消息面上，百度獲沽空機構香櫞研究(Citron Research)唱好，稱集團仍然係最被低估嘅AI概念股，加上作為內地AI龍頭，現時估值處於歷史低位，又睇好中概股跌勢已完結。不過，Patrick認為，百度唔值得畀高估值，因為…
