【名家給力場】港股有3隻領頭羊撐住？

【Now財經台】今日係「翻身月」最後一個交易日，恒生指數7月暫時累升約3000點或逾12%，而7月5隻最強藍籌，依次為美團(03690)、小米集團(01810)、比亞迪股份(01211)、京東集團(09618)，阿里巴巴(09988)，港股業績期已展開，其中，即將放榜嘅滙豐控股(00005)，股價今日(31日)又破頂，內銀股都唔聲唔聲咁創新高，除咗金融股、內銀股及權重股，科網股值唔值得睇好？

冠域商業及經濟研究中心主任關焯照博士指，科網股之中，阿里仍可睇高一線，雖然騰訊控股(00700)有一個隱憂，就係擔心大股東再沽貨，但預期呢兩隻股份會成為大市領頭羊。

關博士又話，滙控股價持續破頂，但放榜後可能會較波動，有機會先跌一跌，之後再創新高，而回購及財富管理業務表現會係滙控股價最大上升動力。