【股市脈搏】呢隻龍年藍籌王累升逾2倍

【Now財經台】港股喺龍年最後一個交易日只得半日市，截至今早(28日)11時30分，恒生指數高低波幅唔夠200點，成交暫時約400億元，總結今個龍年，恒指暫時累升28%或約4500點，國企指數暫累升39%或逾2000點，科技指數暫日累升51%或逾1500點。

龍年暫時表現最好藍籌，依次為小米集團(01810)升2.5倍、中芯國際(00981)升1.6倍、中國宏橋(01378)升1.46倍、美團(03690)升1.2倍、京東集團(09618)升87%。

龍年暫時表現最差藍籌，依次為新東方(09901)、百威亞太(01876)、周大福(01929)、理想汽車(02015)、銀河娛樂(00027)。

喺港股休市期間要留意聯儲局議息、特朗普政係咪喺2025年2月1日加中國貨品10%關稅，以及外圍科企業績。

港股將會喺下周一(2月3日)復市，A股就要等到下周三(2月5日)先至回歸。