【財經TOP SEARCH】老鋪黃金暫時畀資源股搶Fo

【Now財經台】截至早上11時止，過去1小時內《彭博》搜尋量最多港股，依次為紫金黃金國際(02259)、安踏體育(02020)、友邦保險(01299)、紫金礦業(02899)、及老鋪黃金(06181)。

雖然金價不斷破頂，但老鋪黃金股價今日(27日)逆市向下，一度挫6%，低見797元，後市點睇？

大唐資本投資策略部總監盧志明指，金價上升可增加市場對老鋪黃金嘅憧憬，以及提升公司議價力，喺金價強勢下，股價有機會挑戰900元，甚至1000元水平，但需要一啲時間，因為老鋪黃金涉及零售層面，同金礦股隔咗一浸，雖然唔會升得好爽，但亦唔等於唔會升。

Ken又指，依家暫時比資源股搶咗風頭，但當第二浸睇返銷售及盈利能力時，焦點就會慢慢去返老鋪黃金身上，屆時股價有機會升，暫時阻力睇900及1000元水平。