【財經TOP SEARCH】康方股價及估值已炒到太貴

【Now財經台】截至早上11時止，1小時內《彭博》搜尋量最多港股，依次為康方生物(09926)、泡泡瑪特(09992)、百濟神州(06160)、恒生銀行(00011)及吉利汽車(00175)。

康方生物宣布，依沃西嘅直腸癌3期臨床新進展，首例患者已完成入組，獲依沃西許可授權嘅Summit美股股價隔晚(16日)亦炒高16%，7月至今累升30%以上，康方更加累升50%，係咪已經反映晒利好？

椽盛資本投資總監曾永堅指，投資者睇好醫藥及生物科技板塊，會係未來2、3年環球產業焦點，因為有較強創新研發能力，加上最近大型股冇乜方向，所以，近期資金都偏向流入呢類股份。

Jasper又話，市場亦憧憬呢類股份會畀大藥廠睇中，將會有大型合作，甚至併購，不過，康方生物股價由4月約60元升至現水平，已累升逾1倍，市場又消化晒利好消息，股價及估值都開始overpriced。