【財經TOP SEARCH】高息影響友邦投資收益？

【Now財經台】截至早上11時止，1小時內《彭博》用戶關注度上升最多港股，依次為友邦保險(01299)、新世界發展(00017)、騰訊控股(00700)、比亞迪股份(01211)及融創中國(01918)。

友邦股價暫時連升3日，今朝開市前有大手上板，涉資近2億元，股價一度升2%，半日收報65.15元，現水平係咪值得撈底？

資深證券分析師彭偉新表示，友邦之前跌過龍，大市跌到現水平，資金開始買返估值跌得太平嘅股份，友邦係其中一。

此外，有投資者憂慮，美國債息高企會不利友邦持有債券嘅價格，Castor指，會計準則要求按市場計價(mark-to-market)，因此，當息口向上，會提升集團嘅投資收益同資產總值。

不過，佢續指，由於保險公司係用客戶保金去做長期投資，本質非炒賣，所以友邦按道理應該要揸到票據到期為止，市場波動唔會影響最終嘅收益。