【財經TOP SEARCH】內銀股息率可吸引資金翻兜

【Now財經台】截至早上11時止，過去1小時內《彭博》搜尋量最多港股，依次為中國建設銀行(00939)、Momenta(06880)、智譜(02513)、聯想集團(00992)、中國海洋石油(00883)。

內銀股係今日(8日)其中一個升市功臣，內銀板塊開市早段已有買盤湧入，可能同部分內銀恢復銷售中長期定存產品有關。不過，國家審計署早前公布風險審計情況，中國銀行(03988)涉及稅務違規，當時拖累內銀股食咗一浸沽壓，不明朗因素係咪已消化晒？股息回到吸引水平未？

資深證券分析師彭偉新指，內銀近排推出貸款優惠，短期可令資金返嚟，但由於內地整體內需仍然不足，貸款增長仍較慢，近幾個月社會融資規模維持正增長。佢又指，要谷居民消費，推動相關政策係最重要，雖然息率會影響息差，但透過政策刺激會令貸款增長理想。

Castor又指，內銀稅務違規及被追稅只會產生一次性影響，現時內銀股息率介乎4厘至8厘，可以吸引投資者買貨。