【專家分析】小米可唔可以踩油要睇…

【Now財經台】小米集團(01810)推出首部電動車SU7未夠1個月，董事長雷軍喺小米投資者日帶來好消息，提到小米汽車毛利率有望落喺5%至10%水平，有出席投資者日嘅大行一片讚好，但對小米的目標價就按兵不動，小米今日股價繼續上，但暫時未突破到近半年嘅高位，約17元水平，究竟今日股價反映咗幾多利好消息？之後可唔可以繼續踩油上？

南華金融集團副總裁莫灝楠認為，小米好大機會可以再突破高位升上去，短期嚟睇已經出現咗大圓底，慢慢接近17元，如果可以企穩並向上突破，可以上望20元，但要留意現時市盈率(PE)大約20倍左右，但電動車毛利率只有5%至10%，手機毛利率亦只有10%至20%，市場會認為小米股值偏貴，要留意之後有冇支持。