【股市脈搏】港口運輸股今日好大浪！

【Now財經台】股價落後兼具私有化憧憬的廈門港務(03378)急升27%後停牌，通告話將公布涉及收購合併消息。

廈門港務抽升，令部分估值低殘，有類似概念嘅股份異動，經營時間廊的寶光實業(00084)，借勢一度升21%，雖然公司股價較每股資產淨值(NAV)大折讓差唔多90%，不過，公司近年蝕錢兼負債，私有化可能性似乎唔高，而股份現時成交金額只係一萬多元，意味早段只有好少錢推高股價。

借勢炒高嘅仲有日照港裕廊(06117)，今早高開6%，廈門港務停牌後，股價升幅曾擴大至約10%高見0.5元。公司同廈門港務「同病相憐」，都係業績好但股價無反映，而日照港裕廊同樣有私有化誘因同憧憬，參考廈門港務近日炒作，日照港裕廊可能仲有炒上空間，可以留意股份會唔會重試兩年前高位0.7元水平。