【Now財經台】騰訊控股(00700)業績後被多家券商削目標價,拖累股價昨日(19日)重挫逾6%,創逾年半新低,今朝(20日)反覆向下,曾再跌2.5%,最少連續5日有資金流入好倉,依家引伸波幅係咪相對高?
法興證券上市產品銷售部董事蔡秀虹指,騰訊窩輪及牛熊證相輔相成,由於引伸波幅較高,投資者傾向用牛熊證做操作,近日騰訊股價波幅大,引伸波幅反覆向上,若用CALL輪部署,引伸波幅或有下跌嘅壓力,建議選擇年期較長,行使價唔好太價外嘅產品,令引伸波幅敏感度低啲,防守性相對高,CALL輪資金較多選擇明年5月到期,相對長身,半年後到期,行使價約420元,槓桿約7倍。
Eva又話,牛證方面,唔少投資者揀收回價約300元,槓桿約8倍條款。