【Now財經台】截至早上11時止，過去1小時內《彭博》搜尋量最多港股，依次為新世界發展(00017)、中芯國際(00981)、極兔速遞(01519)、騰訊控股(00700)及新秀麗(01910)。
新世界今日(13日)開市前停牌，暫時仍未公布停牌原因。不過，據《彭博》引述消息人士指，新世界擬供股集資最多32億美元，折合約250億港元。報道又話，大股東鄭氏家族計劃參與供股。
大華繼顯執行董事梁偉源指，如果最終成功籌到250億元，對集團債務重組有好大幫助，預期負債比率會由約98%降至約70%，雖然有一定改善，但仍屬於高水平，未來仍要繼續尋找新資金。佢又指，如果大股東落實參與供股，亦會畀到市場信心，對公司前景有一定幫助。
他又指，如果今次集資所得一半用嚟還債，2027年利息支出可減少約15%，不過，小股東可能要面對即時攤薄效應，由於未有正式公布，會帶來幾大影響仍然係未知數，但他估計，新世界復牌後股價仍會受壓。
