【Now財經台】阿里巴巴(09988)昨日(12日)出咗旗下飛豬「雙11」數據,活動旅游商品履約成交總額(GMV)大升60%,不過,阿里股價今日(13日)持續弱勢,一度挫近2%,低見92元。資金流方面,好倉已連續5日有資金流入,合共有逾8000萬元坐貨,如果投資者想博反彈可以點部署?
法興證券上市產品銷售部董事蔡秀虹指,過去5日,較多資金部署阿里CALL,原因係牛證有收回風險,唔想被「打靶」就要揀較遠收回價,但槓桿未必高。
Eva又話,最近阿里股價波幅較大,建議要考慮年期較長,較貼價嘅CALL,例如價外約10%,行使價110元,明年4至6月到期,呢類CALL對引伸波幅嘅敏感度較低,一旦引伸波幅有下調壓力,影響都唔會太大。