【Now財經台】截至早上11時止，過去1小時內《彭博》搜尋量最多港股，依次為小米集團(01810)、比亞迪股份(01211)、周大福(01929)、紫金礦業(02899)及中芯國際(00981)。
車股獲大行「祝福」，中信里昂睇好車股第3季業績好轉，因為出口按季錄得增長，加上原料成本下降。小米昨日(22日)斥資約1億元回購股份，股價今日(23日)一度大升6%，高見27.4元，而比亞迪昨日跌至逾2年低位，14天RSI落到23，今日出現超賣反彈。點睇車股後市？
大華繼顯執行董事梁偉源表示，港股昨日所有板塊無差別下跌，其中，人工智能(AI)相關股今日仍偏弱，反而之前弱勢嘅消費股，包括車股就有唔錯反彈，尤其係小米，今日成交量都好大。
Steven又指，由於內地對電動車需求疲弱，車企一直依賴出口市場平衡銷量增長，佢認為，車股第3季表現比上季好唔出奇，因為第3季基數較低，若內地市場持續疲弱，第3季嘅利好未必可以持續到第4季，因此，他認為，今日反彈主要係資金見股份超賣後入場執平貨。
