【Now財經台】聯想集團(00992)今日(16日)高開1.7%，開市報26.44元，其後升幅一度擴大至4.6%，高見27.18元。聯想昨日(15日)係最多好倉資金流入嘅個股，有1900萬元入場博反彈，想部署CALL/PUT嘅投資者，揀條款時要留意乜嘢？可唔可以降低縮窩風險？
中信證券國際股權衍生品銷售聯席董事李佳原指，縮窩風險好難降低，主要視乎市況，聯想過去幾日引伸波幅上升，利好揸住CALL/PUT嘅投資者，不過，之後引伸波幅會唔會跌返落去，就要視乎聯想股價走勢。
短線嚟講，環球人工智能(AI)股都比較動盪，引伸波幅水平會維持相對較高水平，甚至繼續升，不過，引伸波幅唔係考慮做聯想部署嘅主因。
Sam又話，股價跌到橫行區水平，技術上會有支持，會吸引投資者博好倉。產品方面，投資者要注意行使價，可以考慮擺20元至30元。
