【Now財經台】騰訊控股(00700)發行50億美元債券，初步定價比同類美國國債高最多140個基點，發債主要用喺人工智能(AI)發展等，騰訊股價今朝(13日)曾跌1.4%，低見419.8元，如果想趁跌入場做長線部署，條款揀2028年到期，2倍槓桿，行使價449元，還是揀明年8月到期，6倍槓桿，行使價580元？
胤源世創家族辦公室(香港)第一副總裁黃偉豪指，如果依家做博反彈部署，宜擺近少少，因為明年8月到期唔算短身，6倍槓桿亦較高。佢又話，如果博股價短中線升至500元會較難，6倍槓桿較高，就算唔係博變等價或價內，反彈機會都較大。
Ravi又話，無論同大市或主要科技股龍頭股價比較，騰訊股價都係比較弱，Ravi認為，如果博好倉反彈，止蝕位可以擺410元水平，一旦失守就要走，如果博反彈可以先睇20天線水平，即430元水平，如果升穿，目標價可以再睇450元。
