【Now財經台】騰訊控股(00700)連跌兩個交易日後，今日(2日)繼續跌，低開2%後，跌幅一度擴大至逾2.5%，低見420元。騰訊周三(9月30日)係好倉資金流入第2大股份，熱門CALL輪價外12%至16%，槓桿7倍至13倍，揀條款時有咩要留意？
中信證券國際股權衍生品銷售聯席董事李佳原指，恒生指數喺今日喺10月首個交易日一度暴跌逾700點，失守24000關，但騰訊只係一度挫逾2.5%，表現好過大市，所以吸引唔少投資者喺420元水平部署好倉。此外，由於外圍風高浪急，大部分投資者都唔用牛證而揀CALL輪做部署，好處係冇收回風險。
Sam又指，熱門條款主要分兩類，其中一類係明年初到期，槓桿8倍至9倍，相對較進取，另一類係由牛證轉過嚟嘅貼價CALL，明年7月到期，時間值損耗較小，適合做中線部署。
