【Now財經台】快手(01024)發布新一代可靈AI(Kling AI)模型「可靈4.0」，但帶挈唔到股價，股價今日收市跌逾1%，外界將「可靈4.0」嘅出現解讀為跟字節跳動(BytrDance)AI影片生成模型Seedance嘅競爭，Seedance最新更新至2.5，有分析認為，兩者各有優勢，Seedance主打視覺震撼度強，但可靈4.0喺分鏡與流暢度更勝一籌，點睇佢同Seedance嘅競爭？
元宇證券大中華區股票投資總監趙晞文表示，要視乎用戶追求震撼性還是流暢度，普通用家可能更著重視覺震撼度，但企業級用戶反而更關注影片流暢度，所以要睇邊個更吸引到專業用家，加快公司變現速度。
佢又指，可靈AI定位一直都係以專業、企業級用戶為主，如果真係做到業界最先進模型(SOTA)，專業用家願意以較高價錢去用當然最理想，不過，若客戶黏性唔夠高，而10月面世嘅完整版效果不似預期，或令變現速度放慢，未來Seedance再次升級，可靈AI與Seedance嘅差距又會再次擴大。
