【Now財經台】市傳快手(01024)計劃分拆可靈AI(Kling AI)，目標最快明年在港上市，正跟中金公司、高盛及瑞銀合作推進上市籌備工作，雖然集資規模及上市時間仍未有定案，但估計最少籌10億美元。點睇快手分拆可靈AI上市計劃及釋放當中價值?
富途證券首席分析師馮文慧指，如果可靈繼續放喺快手，市場會以傳統視頻類或直播公司去估值，若分拆獨立上市，可以用人工智能(AI)模型或創作軟件公司去定價，增長潛力及想像空間係兩回事。
佢又指，快手未有特別披露可靈嘅數據，例如毛利率、客戶數目及現金流等，因此，獨立上市可以提高商業化能見度及透明度。馮文慧估計，可靈估值有機會較高，而快手估值就要持續留意。
佢又提醒，如果可靈持續虧損，就算成功上市融資，都解決唔到盈利嘅根本性問題。
