【Now財經台】順豐同城(09699)今日(18日)中午出通告，指獲控股股東順豐控股(06936)增持，透過大宗交易買入4584萬股H股，佔已發行股本約5%，消息公布後，順豐同城股價午後抽高，收市勁升11％，以全日高位9.49元收市。係咪純粹炒增持消息？理論上有人沽先有得買，若賣家係阿里巴巴(09988)應該點解讀？
王道資本及家族資產管理執行董事黃敏碩指，增持消息都屬於正面，睇返公司上半年業績，都反映順豐同城處於高質量、增長健康嘅狀況，亦配合返成個網絡、數字化能力，因此，把握到餐飲、服務、零售行業嘅趨勢，今次控股股東增持，對推動未來業務發展屬正面。
Michael又話，過往市場聽到阿里呢類巨企係一家公司嘅投資者，感覺上會信心大啲，但佢認為，依家反而留意公司自身業務質量、效益，咁樣會比較實際。
