【now.com財經】噚日揀咗隻恒指熊(56063)出嚟，如見指數浮返上接近小時圖中軸而見阻力嘅話就出動；不過就無Set到目標位，一係就自己數格仔，一係五分鐘圖見Slow STC(14.3)到超賣完成Day Trade，再唔係用返小時圖見指數落得返去保歷加底線都可以，但用小時圖嘅話未必可以做到Day Trade，有時佢都要過一兩日先至可以做得成。(喺呢度多以Day Trade運作，所以會用返五分鐘圖Slow STC(14.3)落到超賣位嘅形式去計算呢注Day Trade嘅結果)。
如果隻(56063)過咗夜嘅話，今朝開市升122點應該問候咗阿市個老母先，但開市之後見指數頭也不回地向下走，只係用咗兩分鐘嘅時間就將今朝開市嘅上升裂口全數抹走，兼繼續向下入到重貨牛24,500至24599點，呢個時侯仲有隻(56063)在手嘅話，一係全清一係出風箏鎖定部份利潤，再搵自己個老母出嚟請佢飲茶。
一陣11點有例牌嘅《施政報告》同首次登場就同框亮相嘅《五年規劃》。先抱住一個期望嘅心去睇份《五年規劃》先，咁新鮮嘅嘢一定會有驚喜嘅；《施政報告》就真係Best啦，根據過往公布《施政報告》當日指數嘅走勢，印象中，本地地產股同港交所(00388)相對地會比較有新政策可以黐得到而受惠，可以留意吓嘅。
未公布之前再睇吓個市，依家10點8分見指數於大約2459至2465之間上落；但如果換個小時圖出嚟嘅話，指數於24,580點位出平底，而Slow STC(14.3)兩線作勢觸底但目前還未確認嘅，因為%K線嘅數值仍然都係低於%D線。
若然是計劃借小時圖嚟出好倉捉觸底嘅話，咁依家最多都只係當偷步(作戰室都偷咗啦，一係水溫注，一係paper trade)，恒指牛(61861)，收回價24250點，同現價有約360點距離，槓桿有約49.2倍，Day Trade嚟講呢個槓桿同距離都夠用。
如果諗住等小時圖嘅Slow STC(14.3)確認觸底先至出嘅話，當然可以啦，但有機會要11點後先至見得到。進取少少比返個五分鐘圖出嚟，如果企得返上五分鐘圖嘅保歷加中軸線先出啦，甚至用佢嚟做Swing Trade一樣可以。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
