【Now財經台】政府公布本港首份五年規劃，指要鞏固香港領先全球嘅跨境財富管理中心地位，推動人民幣櫃台納入港股通，並研究以人仔支付政府開支。滙豐證券降港交所(00388)評級至「持有」，目標價削至410元，原因是銀行、資本市場及地產活動，喺6月初開始減慢，為港交所收入及盈利帶來壓力，不過，摩根士丹利上調港交所目標價至538元，主要是預期未來資本市場活動持續活躍。大行對港交所睇法好壞參半，投資者應該點部署？
高歌證券金融首席分析師聶振邦認為，短期嚟講，滙證嘅預測較可信，2022年至今，港交所股價走勢同恒生指數息息相關，佢又指，若港股成交唔活躍就無法帶動恒指，並估計港交所股價未來兩月好難上返460元。
聶Sir續指，大摩嘅報告係偏向長線嘅分析，但未知幾時可以到價，因為當中可能有唔少變數。他提醒，如果想做長線部署，港交所係一個唔錯嘅選擇，建議等股價落到370元水平再考慮入手，即較現水平再跌逾6%。
