【Now財經台】戴爾科技(Dell)受惠於人工智能(AI)伺服器需求大增，上季業績好過預期，刺激股價喺美股昨晚(2日)收市後延長交易時段一度飆逾15%，帶動聯想集團(00992)股價今朝(3日)高開逾3%，其後一度升5%，高見32.14元，但之後倒跌，聯想股價連日上升，如果想部署CALL輪，應該揀咩條款？
中銀國際證券衍生產品部董事朱紅指，聯想都有較多投資者關注，Dell上調全年指引後，市場對聯想經營情況樂觀，股價近期呈橫行格局，喺27元至30元水平上落，CALL輪方面，行使價約48元，明年2月左右到期，槓桿約4倍，呢類條款都受歡迎。
Niki又話，行使價約32元，明年6月左右到期，槓桿約2至3倍，博正股可以升上32元水平，到時呢類CALL就由輕微價外變成價內，博呢個爆發力。
