【Now財經台】截至早上11時止，1小時內《彭博》搜尋量最多港股，依次為華虹宏力(01347)、金斯瑞生物科技(01548)、龍湖集團(00960)、MiniMax(00100)及聯想集團(00992)。
華虹今日(4日)收市後正式「染藍」，股價今朝輕微高開後，好快就轉跌，一度大跌8%，低見110.1元，其他半導體股都明顯跑輸，而北水昨日(3日)淨賣出第3多股份係中芯國際(00981)，美國方面，同業博通(Broadcom)業績後股價都受壓，近日資金係咪對半導體股變得審慎？
大華繼顯執行董事梁偉源指，如果睇返華虹及中芯季績，中芯表現明顯較好，所以華虹股價跌得比較多。此外，近期美國對中國半導體公司有更嚴格限制，令集團出口去美國嘅業務不明朗，但相信實際上影響唔大。佢坦言，華虹股價今日跌咁多，成交比過去3日嘅全日成交多，的確有啲奇怪。
Steven續指，華虹今日大跌同收市後正式「染藍」冇關，反而要留意下周一(7日)成為藍籌後，會唔會因為股價跌得多，有被動資金趁低吸入，繼而推高股價。
