【Now財經台】截至早上11時止，1小時內《彭博》搜尋量最多港股，依次為長飛光纖光纜(06869)、中芯國際(00981)、MiniMax(00100)、國泰航空(00293)及快手(01024)。
有美國國會議員提出法案，倡議禁用中國光模組，花旗指出，短線對行業直接影響有限，但見今日(28日)啲相關股顯著受壓，長飛光纖大跌逾10%，點睇行業發展？面對美國限制，政策風險係咪愈嚟愈高，行業已被美國釘上？
富昌證券聯席董事譚朗蔚指，光科技行業風險確實愈嚟愈高，雖然唔是官員一句話就令行業冇晒生意，但亦見到中美角力為行業帶嚟逆風。投資者開始要關注美國總統特朗普(Donald Trump)、美國國會或法院之後嘅講法，本來只係需要留意行業願景，但依家就要睇住最新headline，究竟美國方面就呢件事點樣發酵？當國內光科技公司「出海」變得艱難，或限制未來業務增長，這份憂慮亦導致今日嘅下跌。
Stevan認為，長飛光纖自8月初的低位起升勢良好，短線而言，心理關口係160元，一旦失守160元水平，代表8月初開始的升浪已經結束，建議有貨的投資者考慮理性處理。
