【Now財經台】繼長鑫存儲及宇樹科技(Unitree)成功登陸內地科創板後，內地記憶體晶片「巨無霸」長江存儲(YMTC)IPO申請亦已獲上交所受理，有機會成為科創板歷來第3大新股，加上阿里巴巴(09988)「抽水」約800億元，會唔會對中資股資金流造成壓力？對中資股整體氣氛又有咩影響？
華晉證券資產管理投資總監馮宏遠指，短線來看，市場明顯「缺水」，因為近期除咗有IPO(首次公開招股)，又有大型中資科技股配股，相信過咗呢段時間，對中資股影響其實唔大。
Thomas續指，投資者要留意內地經濟數據，雖然7月數據唔算太差，市場原本期望今年下半年內地經濟回穩，甚至反彈，尤其消費方面，現時唯一畀到資本市場期望係減息等措施，若人民銀行喺降準方面較「鬆手」，而美國就偏緊，資金就會流向內地，但估計人行唔一定會「鬆手」，因此，建議港股及A股投資者先觀望一段時間。
