【Now財經台】截至早上11時止，1小時內《彭博》搜尋量最多港股，依次為中國石油化工股份(00386)、泡泡瑪特(09992)、濰柴動力(02338)、騰訊控股(00700)及紫金礦業(02899)。
中石化中期多賺12%，派息増19%至10.5分人仔，股價今日(24日)造好，一度升6%，高見4.675元，高盛指，中石化第2季純利差過預期，但自由現金流按年增33%，派息亦略高過預期，係咪因為咁績後股價強勢？
富昌證券聯席董事譚朗蔚指，油價高企，加上中石化自由現金流充足，資本開支(CapEx)又減少，市場一定憧憬增加派息，亦解釋到點解股價今日大升。
Stevan又提醒，如果係想長揸中石化收息就要留意，中石化係一隻周期敏感股，走勢受油價、經濟活動及需求等影響，股價喺過去半年以來，由5.6元高位回落，期間一度跌穿過4元，所以性質上唔太適合長揸收息，如果短炒可以先睇5元。
