【Now財經台】截至早上11時止，1小時內《彭博》搜尋量最多港股，依次為聯想集團(00992)、英矽智能(03696)、小米集團(01810)、中國石油化工股份(00386)及紫金礦業(02899)。
聯想股價今日(8日)一度急瀉逾11%，低見28.62元，集團出通告，指有逾4800萬美元換股債被轉換及註銷，佔已發行股份總數0.36%，呢單消息係咪聯想股價今日暴跌原因？
復星國際資產管理投資經理李曉翀指，聯想股價插水同呢單消息關聯度高，但睇返成個H股板塊輪動，今日硬科技呢邊僅部分光模塊概念股可以承接到昨日升勢，其他都有調整，H股流動性都係偏向擁擠，集中炒某一類板塊為主。
Andrew又指，仍繼續睇好聯想，始終市值480億美元仍算吸引，股價亦未完全反映成個人工智能(AI)業務發展，相信短線調整後，喺低位會有吸納機會。
