【Now財經台】截至早上11時止，1小時內《彭博》用戶關注度上升最多港股，依次為泡泡瑪特(09992)、恒基地產(00012)、中國平安(02318)、中國人壽(02628)、快手(01024)。
泡泡瑪特昨日(20日)出咗業績，中期多賺10%，經調整純利按年增長逾9%，收入按年增長23%，期內，毛利率跌至69.7%，主席王寧坦言，下半年業績壓力較大，全年收入增長20%嘅目標可能達唔到，點睇公司前景？有冇機會扭轉劣勢？
大華繼顯執行董事梁偉源指，今次呢份業績睇到好多負面因素，泡泡瑪特以前係高增長公司，但今次睇到國內收入增長放緩，海外收入又唔達標，加上冇新IP可以延續到Labubu嘅熱潮，暫時睇唔到公司前景會有改善。
Steven又話，管理層都對今年收入增長打定輸數，因此，就算公司做回購，對股價都幫助唔大。
