【Now財經台】瑞聲科技(02018)今日(20日)中午出咗中期業績，收入及純利錄單位數增長，其中，純利按年微升約3%至9億人仔，略低過預期，近幾年表現麻麻嘅光學業務，上半年收入只得呢辮業務按年跌逾22%，擔唔擔心光學業務會拖住瑞聲後腿？
艾德金融執行董事陳政深認為，又未至於會拖後腿，上半年全球手機出貨量都偏弱，喺呢個情況下，瑞聲嘅光學業務毛利率仲可以有逾10%，其實已經好犀利。
Ryan又指，瑞聲模組及鏡頭平均售價，按年都有雙位數升幅，而高階6P及7P塑膠鏡頭出貨佔比亦升咗，而3200萬像素以上嘅模組出貨量佔比逾50%，防手震嘅模組佔比亦逾20%，呢啲都係高毛利率嘅產品，係毛利率造好嘅功臣，所以呢瓣業務算做得唔錯。
